LOR DITZAGUN 5.000.000 OTORDU 1.800 FAMILIA URTEBETEZ ELIKATZEKO

Urtebetean 1.800 familia elikatzeko 5.000.000 otordu lortzea. Jasotako dohaintzekin eta dendetan jasotako elikagaiekin, Elikagai Bankuek elikagaiak erosi eta banatu ahal izango dituzte familia eta kolektibo zaurgarrien artean.

Espainiako Estatistika Institutuaren arabera, pobrezia-arriskuaren eta/edo gizarte-bazterketaren arrisku-tasa Espainian bizi den biztanleriaren % 26,4 izan zen 2020an, eta 12.495.000 pertsonari eragin zien; aurreko urtean, berriz, % 25,3 izan zen. Horrek esan nahi du 620.000 pertsona berri inguru pobrezia-arriskuan edo gizarte-bazterketako arriskuan daudela azken urte honetan.

Pandemia hasi aurretik, Elikagai Bankuek 1.050.000 onuradun artatzen zituzten; 2020an, 1.560.000 pertsona artatu zituzten, eta horietatik 300.000 baino gehiago 0 eta 15 urte bitarteko haurrak izan ziren. 

Horregatik EROSKIn Elikagai Bankuen Espainiako Federazioarekin eta hari lotutako 44 Elikagai Bankuekin bat egin nahi dugu, gizarte-bazterketako arriskuan dauden gure inguruko familien oinarrizko elikadura- eta higiene-premiak estaltzen laguntzeko.

Elikagai Bankuak irabazi-asmorik gabeko gizarte-erakundeak dira, boluntarioen lanari esker funtzionatzen dutenak. Elikadura-premiak dituzten pertsonen artean janaria banatzea dute helburu eta horretarako, dohaintza-kanpainen bitartez jasotako elikagaiak edo hainbat enpresaren elikagai-soberakinak baliatzen dituzte, elikagaiak alferrik galtzea ekidinez.

Honako jarduera hauek burutzen dituzte:

• Elikagai Bankuek biltegiratu eta sailkatu egiten dituzte berreskuratutako eta jasotako elikagaiak, eta beraiekin lankidetzan diharduten ongintzazko 7.955 erakundeen artean banatzen dituzte. Erakunde horiek, oro har, familia behartsuei eta gizarte-bazterkeriako arriskuan dauden gizataldeei ematen diete arreta.
• FESBALek sustatu egiten ditu federazioaren kide diren Elikagai Bankuen eginkizuna eta irudia gosearen, pobreziaren eta elikagai-galeraren aurkako borrokaren baitan. Horretarako, elikagaiak aprobetxatu eta behartsuenen artean banatzen dituzte Elikagai Bankuek, eta, aldi berean, ingurumena hobetzen laguntzen dute.

EROSKIren Zentimo Solidarioak programaren kanpaina honek FESBALekin bat egin du, gizarte-bazterketako arriskuan dauden gure inguruko familien oinarrizko elikadura- eta higiene-premiak estaltzen laguntzeko.

Kanpaina honekin bildu nahi dugun diruarekin eta dendeetan jasotako elikagaiekin, 1.800 familiari laguntzea aurreikusten da.

EROSKI dendak dauden 44 Elikagai Banku probintzialei lagunduko zaie

FESBAL  (web)