Desgaitasuna duten pertsonei laguntzeko elkarlanean aritzea, erakunde hauen bidez: EUSKAL GORRAK, FUTUBIDE FUNDAZIOA, DOWN GALICIA FEDERAZIOA, NEMO FUNDAZIOA, CNSE FUNDAZIOA eta ESPAINIAKO PÁRKINSON FEDERAZIOA (FEP).
Jasotako dohaintzekin, erakunde horiek ondoren deskribatzen diren jarduerak indartu ahalko dituzte.
Espainian, desgaitasuna duten pertsonen bizi-kalitatea hobetzeko kezka, egoeraren larritasuna erakusten duten zifra estatistiko kezkagarrietan islatzen da. Duela gutxiko datuen arabera, herrialdean 4 milioi pertsona inguruk dute desgaitasunen bat. Errealitate horretan sartzen dira desgaitasun intelektualak, desgaitasun fisikoak eta/edo gaixotasun neurodegeneratiboak, hala nola Down sindromea, pertsona gorrak, parkinsona, edo dibertsitate funtzionala duten pertsonak.
Kalkuluen arabera, Espainian parkinsona duten pertsonen % 30 inguru 10.000 biztanle baino gutxiagoko udalerrietan bizi dira. Egoera horrek zaildu egiten du informazioa eta baliabide espezializatuak eskuratzea, eta parkinsona duten pertsonak eta haien familiak egoera bereziki ahulean jartzen ditu.
Bestalde, pertsona gorrak eta entzuteko desgaitasuna dutenak nagusiki entzuleek osatutako gizarte batean bizi dira, eta, beraz, integratzeko, komunikazioan dauden oztopoak gainditu behar dituzte, zeinak itxuraz ikusezinak diren entzumen-desgaitasunik ez duten pertsonentzako. Zehazki Euskadin 49.779 pertsonak dute entzuteko desgaitasuna; hori biztanleria osoaren % 2,3 da. Pertsona horien artean 29.021ek dute gorreria sakona eta 18.689k dituzte 65 urte edo gehiago.
Dibertsitate funtzionala duten eta ez duten pertsonen arazoek adierazpen ugari izan ditzakete, hala nola arazo motorrak, sentsorialak, komunikaziokoak, kognitiboak, jokabidekoak, emozionalak, familiakoak, autonomia-arazoak, eskolakoak, aisialdikoak eta arlo sozialekoak.
Azkenik, Down sindromea alterazio genetikok bat da, 21. bikotean kromosoma estra bat agertzearen ondoriozkoa. Adimen-desgaitasun hori duten ikasleek eskubidea dute ikasgela gainerako ikaskideekin partekatzeko, bai eta eskoletan aktiboki parte hartzeko eta, guztiek bezala, beren interes eta asmo akademikoak betetzeko ere. Gaur egun, eskola-sistemak baztertu egiten ditu Down Sindromea duten pertsonak, nahiz eta haur guztiek berdintasunean kalitatezko hezkuntza jasotzeko eskubide unibertsala aitortuta izan.
Kanpaina honetan desgaitasunen batek eragindako pertsonen tratamendua, inklusioa eta ikusgarritasuna lantzen dira erakunde hauekin batera: EUSKAL GORRAK, FUTUBIDE FUNDAZIOA, DOWN GALICIA FEDERAZIOA, NEMO FUNDAZIOA, CNSE FUNDAZIOA eta ESPAINIAKO PÁRKINSON FEDERAZIOA (FEP).
Euskal Gorrak
"EtxeGor" proiektuan, "VidAsor" programa ezartzen da Euskadin. Zeinu-hizkuntzan komunikatzen diren adineko gorrei bideo-laguntza eta laguntza osagarria emateko zerbitzu bat da. Zerbitzu horrek arreta-zentral batekin komunikatzeko aukera ematen die bakarrik bizi diren, egoera larrian dauden edo mendekotasun-egoeran dauden pertsonei, eta isolamendu geografikoa edo deserrotze soziala dutenei; eta horretarako, etxean bideokonferentzia-kit bat instalatzen da.
Futubide Fundazioa
Futubideren "VOLUNTARIADO DE TU A TU" boluntariotza proiektuaren bidez, loturak sortzen dira gure Fundazioak lagundutako adimen-desgaitasuna duten pertsonen eta boluntarioen artean. Proiektuak gizarteratzeko aukerak ematen ditu pertsona horiek aisialdiko hainbat jarduera egin ahal izan ditzaten, hala nola sarrerak erostea, ibilgailu egokituak alokatzea edo kultura-jardueretan parte hartzea, besteak beste.
Down Galicia Federazioa
Down Galician eta atxikitako erakundeetan "Una escuela para todos/as" (Guztientzako eskola) proiektua garatzen dute, adimen-desgaitasuna duten ikasleen hezkuntza-inklusioa sustatzeko eta errazteko, ikasle horien garapen kognitiboa, soziala eta pertsonala maximizatzeko, eta haien inklusioa eta elikadura-ohitura osasungarriak errazten dituzten ezagutzak, gaitasunak eta trebetasunak sendotzen laguntzeko; hori guztia ikastetxeekin koordinatuta egiten da, baliabide eta metodologia berritzaileen bidez.
Nemo Fundazioa
Proiektuaren helburua da Fundaziora joaten diren eta dibertsitate funtzionala duten haurren familiei doako balorazioak eskaintzea, hainbat profesionalek osatutako diziplinarteko talde batekin. Gizarte-langileak elkarrizketa bat egiten die adingabearen gurasoei, familiaren beharrak baloratzeko. Psikologoek, terapeuta okupazionalek, logopedek eta fisioterapeutek osatutako terapeuta talde batek adingabea aztertzen du, besteak beste, autonomia, motrizitatea edo komunikazioa kontuan hartuta. Azkenik, txosten bat egiten da balorazioan jasotako informazioarekin, eta esku hartzeko proposamen bat egiten da.
CNSE Fundazioa, komunikazio-oztopoak ezabatzeko
Proiektuaren helburua da pertsona gorrentzako eskuragarri jartzea Eroski Fundazioak sortu duen Elikadura Eskolaren web-mintegietako edukiak eta haurrei berariaz zuzendutako bideoetako batzuk. Horrela, pertsona gorrak dituzten familietako kide guztiekin komunikatu nahi dute, eta, modu atseginean, haiek ere elikadura iraunkorra eta osasuntsua izateko erronkan sartu.
Espainiako Parkinson Federazioa
"Parkinson Rural: fomento de la autonomía de las personas que conviven con el párkinson” (Landa-eremuko Parkinsona: parkinsonarekin bizi diren pertsonen autonomia sustatzea) proektuarekin, argazki-erakusketa bat egingo da, hartara Espainia osoko landa-eremuetan bizi diren parkinsona duten 10 pertsonaren errealitatea eta istorioak hurbiltzeko. Argazki horien bidez, pertsona horien egunerokotasuna erakutsi nahi da, eta gizartea haien errealitateaz eta beharrizanez kontzientziatu.
EROSKIren Zentimo Solidarioen programa honetan erakunde hauei lagunduko zaie: EUSKAL GORRAK, FUTUBIDE FUNDAZIOA, DOWN GALICIA FEDERAZIOA, NEMO FUNDAZIOA, CNSE FUNDAZIOA eta ESPAINIAKO PÁRKINSON FEDERAZIOA (FEP).
Jasotzea espero den laguntzarekin, uste da 4.542 pertsonari lagundu ahalko ziela, desgaitasuna duten pertsonen zaintzan.
EUSKAL GORRAK (erakundearen webgunea)
FUTUBIDE FUNDAZIOA (erakundearen webgunea)
DOWN GALICIA FEDERAZIOA (erakundearen webgunea)
NEMO FUNDAZIOA (erakundearen webgunea)
CNSE FUNDAZIOA (erakundearen webgunea)
ESPAINIAKO PARKINSON FEDERAZIOA (FEP) (erakundearen webgunea)