Jasotako dohaintzekin, erakunde horiek ondoren deskribatzen diren jarduerak indartu ahalko dituzte.
Asociación Gallega contra las Enfermedades Neuromusculares - ASEM Galicia
ASEM Galicia Gaixotasun Neuromuskularren Elkarteen Espainia osoko sare zabal bateko kide da. ASEM Galicia-ren zeregina da gaixotasun mota horiek dituztenen errealitateari eta behar espezifikoei buruzko informazioa zabaltzea eta jendea sensibilizatzea. Gaixotasun Neuromuskularren bat duten pertsonenei arreta emateko programan, terapia fisikoak egiten dira, hala nola fisioterapia eta animaliekin esku hartze lagundua. Errehabilitazio terapia horiek orokorrak dira, eta etengabe egiten dira, hainbat jarraibide terapeutiko aplikatuz, kasu bakoitzaren indibidualizazioa ziurtatuz eta gaixotasun mota eta haren eboluzio fasea errespetatuz. Helburu nagusia, azken finean, gaixoen bizi kalitatea hobetzea da.
Asociación de Esclerosis múltiple de Ibiza y Formentera - AEMIF
Asociación de Esclerosis Múltiple de Ibiza y Formentera jatorri neurologikoko ezgaitasun fisikoa (hartutako kalte zerebrala, gaixotasun neurodegeneratiboak eta muineko lesioak) duten pertsonen bizi kalitatea hobetzea helburu duen erakundea da. Terapia Okupazionaleko programaren onuradunak nerbio sisteman lesioren bat izan duten pertsonak dira; eta lesio horren ondorioz, ingurunearekin duten interakzioarekin, gizarte harremanekin eta eguneroko bizitzan autonomia eta independentziarekin lotutako defizitak dituztenak. Programa horren bidez eguneroko bizitzako jarduerak, oinarrizkoak nahiz instrumentalak, indartu eta birgaitu nahi dira, jarduera horiek (janztea, jatea...) berriro egin ahal ditzaten, edo gaur egun dituzten gaitasunak ahalik eta denbora gehienean manten ditzaten.
Fundación Esclerosis Múltiple Eugenia Epalza Fundazioa
Fundazio honek, probintzia bakoitzeko errehabilitazio integralerako zentroen bidez, Esklerosi Anizkoitza duten pertsonentzako arreta espezializatuko eredu bat diseinatu eta martxan jarri du, parte hartzeari eta bizi kalitateari buruzkoa. Eredu horren xedea laguntza, zerbitzu eta tratamendu guztiak dinamizatzea eta koordinatzea da, plangintza prozesu indibidual baten bidez. Prozesu horren protagonista pertsona bera da, eta helburua pertsona bakoitzaren autonomia, parte hartze eta bizi kalitate handiagoa lortzea, bai familian eta bai lan ingurunean eta ingurune sozialean ere, beren aukerak inklusiboago, eskuragarriago eta berritzaileago izan daitezen.
Pasqual Maragall Fundazioa
Pasqual Maragall Fundazioa ikertzen ari da Alzheimerrari irtenbide bat aurkitzeko eta gaixoen eta haien senideen bizi kalitatea hobetzeko. Gaixotasunaren detekzio goiztiarrean eta prebentzioan jartzen du fokua, Alzheimerrik gabeko etorkizun bat lortzeko.
Beta AARC ikerketaren helburua da gaixotasunaren hasieran esku hartzen duten faktoreak eta gaixotasunaren bilakaera iragartzen duten biomarkatzaileak identifikatzea. Alzheimerrak badu fase isil bat, lehen sintomak agertu baino 20 urte lehenago hasten dena. Beraz, gaixotasunaren hasierako seinale horiek aurkitzeak aukera emango du diagnostikoa lehen sintomak agertu aurreko (eta kalte zerebrala konponezina deneko) fase batean kokatzeko, eta, hala, ekintza prebentibo eta terapeutiko eraginkorrak planteatu daitezke.
