Elkarlanean arituta eta Asafes, Argia Fundazioa, Mallorca Integra Fundazioa eta Espainiako Osasun Mentaleko Konfederazioaren bidez osasun mentaleko arazoak dituzten pertsonen bizi-kalitatea hobetzea.
Nahasmendu mental gisa ulertzen ditugu aldarteari eragiten dioten nahasmenduei, antsietate nahasmenduei eta nahasmendu mental larriei, besteak beste, eskizofrenia, nahasmendu bipolarra, elikadura nahasmenduak, nahasmendu obsesibo-konpultsiboa edo pertsonalitate nahasmendua.
Nahasmendu mentalak dituzten pertsonen % 88 senideek zaintzen dute, zaintzaile informal gisa. Nahasmendu mental larriek zama handia jartzen dute senideengan. Normalean, amak edo anai-arrebek hartzen dute zaintzaren erantzukizuna.
Eskizofrenia duen pertsona bati, adibidez, 6 edo 9 ordu bitarte eskaini behar zaizkio egunean eta galera sentiarazten eta bizitza soziala murrizten du. Familiarengan ere eragin negatiboa dauka, kezka sentitzea, lan-aukerak galtzea eta zaintzailearen osasun mentala okertzea eragiten baitu.
Bestetik, kirola egiteari lotutako onura ugariak gorabehera, ikusi dugu sektore jakin batzuetan ez dela jarduera fisikoa barne hartzen edo Osasun Mentaleko zentroetako jarduera fisikoko langileak ez duela, jarduera terapeutikotik kanpo, kirolaren bidez esku-hartzean pentsatzen. Erreparatu dugu jarduera fisikoak nabarmenki hobetzen dituela pertsonen jarrera eta portaera. Aldartea ere asko hobetzen du, pertsonak harmen handiagoa izatea dakar eta harreman sozialak eta bizikidetza ere hobetzen ditu.
Kanpaina honetan, Asafes, Argia Fundazioa, Mallorca Integra Fundazioa eta Espainiako Osasun Mentaleko Konfederazioarekin lankidetzan arituko gara.
Jasotako dohaintzekin, erakunde horiek ondoren deskribatzen diren jarduerak indartu ahalko dituzte.
ASAFES
“Espacio Joven ERROAK GazteGune”-k gaixotasun mentalak dituzten 16 ta 29 urte bitarteko pertsonak eta haiek zaintzen dituzten senideak artatzen ditu. Programa integral bat eskaintzen die lanketa-arlo hauen bidez: gaixotasun mentala ezagutu eta kudeatzeko eta elkarlaguntzaren bidez barrenak hustea praktikatzeko prestakuntza; espazio erlazionalak eta komunitatean parte hartzekoak, lan-mundura sartu aurreko prestakuntza eta laneratzeko benetako aukera ematen duten praktikak enpresetan.
ARGIA FUNDAZIOA
"Gaixotasun mentalak dituzten pertsonen gizarte-kluba"-k giro positiboa sustatzen du klubeko kideen artean. Asanblada gisa dago antolatuta eta komunitate osoari irekita dago.
Medikuen diagnostikoetatik harago, laguntasuna sustatzen da balio nagusi gisa. Pertsona bakoitza da berezi eta bakoitzak bere aletxoa jartzen du Gizarte-klubak funtziona dezan. "Jarduera, dinamika eta tailer aberasgarriak egiten ditugu. Guretzat amets bat izango litzateke Klubak eta proiektu honek dakarren guztiak luze iraungo balu, beste 12 urte, gutxienez".
MALLORCA INTEGRA FUNDAZIOA
"Kirola eta osasun mentala" proiektuaren bidez, espazio bat sortu dugu, zeinak jarduera fisiko gidatu eta jarraia osasun mentaleko arazoak dituen pertsonaren asteko errutinan txertatzea ahalbidetzen baituen. Jarduerak subakutuen unitatean dauden pertsonei zuzenduta daude, batez ere, Palmako Ospitale Psikiatrikokoei, dibertitzeko kirola egiten hasi edo berrartu nahi dutenei. Arreta taldean eskaintzen da, ospitaleko kirol instalazioetan, eta jardueretan parte-hartzea eguneko arreta eskaintzen dieten langileek kudeatzen dute (nagusiki, terapeuta okupazionalak eta psikiatriako sailekoek).
ESPAINIAKO OSASUN MENTALEKO KONFEDERAZIOA
“OSASUN MENTALEKO orientazioa”, informaziozko, aholkularitza juridikoko eta dokumentazioko zerbitzu bat da, doakoa eta haren beharra duen pertsona orori zuzendua. Pertsona zerbitzuarekin harremanetan jartzen da eta entzuten, artatzen eta laguntza eskaintzen dion pertsona batek artatzen du. Arta telefono edo posta elektroniko bidez edo aurrez aurre ematen da. Zerbitzua gizarte-langile batek, aholkulari juridiko batek eta dokumentalista batek eskaintzen dute.
EROSKIREN Zentimo Solidarioen programako kanpaina hau Asafes, Argia Fundazioa, Mallorca Integra Fundazioa eta Espainiako Osasun Mentaleko Konfederazioarekin arituko da elkarlanean.
Kanpaina honen bidez lortzea espero den laguntzarekin, osasun mentaleko arazoak dituzten 1.499 pertsonari lagunduko zaiela uste da.
Asafes (erakundearen webgunea)
Argia Fundazioa (erakundearen webgunea)
Mallorca Integra Fundazioa (erakundearen webgunea)
Espainiako Osasun Mentaleko Konfederazioa(erakundearen webgunea)