LAGUNDU GIZARTE-BAZTERKETAKO ARRISKUAN DAUDEN FAMILIEI

Pobreziaren eta gizarte-bazterkeriaren aurkako borrokarekin bat egitea, gure denden probintzia orotako Elikagai Bankuen eta Cáritas elkarteen bitartez. Jasotako ekarpenekin, Elikagai Bankuek eta Cáritas elkarteek janaria erosi eta banatu ahal izango dute COVID-19aren gizarte-krisiaren ondoriorik larrienak pairatu dituzten familia eta gizatalde zaurgarrien artean.

Uneko osasun-larrialdiari krisi ekonomiko eta soziala gehitu behar diogu, familia askok zailtasunak baitituzte beren oinarrizko premiak asetzeko. Horregatik, Elikagai Bankuak eta Cáritas erakundea etengabe ari dira lanean, atseden barik eta erlojuaren kontra jardunez, gure inguruko pertsona zaurgarrien elikadurarako eskubidea bermatzeko helburuarekin. Azkar mugitu behar izan dira beren jarduera egokitzeko eta gizarte-erakundeen elikagai-eskaera gero eta handiago bati erantzuna emateko. 

2019. urtearen hasieran, Elikagai Bankuek 1.050.000 laguni ematen zioten arreta eta 2020. urtearen amaieran, 1.560.000 pertsonak eskatzen duten elikatzeko laguntza. Eta pandemiaren lehen hilabeteetan soilik, % 57 igo ziren Caritasek jasotako laguntza-eskaerak. 500.000 pertsona inguruk jo zuten lehenengo aldiz erakunde horretara.

EROSKIn, Elikagai Bankuen Espainiako Federazioarekin, hari lotutako 54 Elikagai Bankuekin eta Cáritas Diocesanas-eko 49 elkarteekin bat egin nahi dugu, gizarte-bazterketako arriskuan dauden gure inguruko familien oinarrizko elikadura- eta higiene-premiak estaltzen laguntzeko.

Elikagai Bankuak irabazi-asmorik gabeko gizarte-erakundeak dira, boluntarioen lanari esker funtzionatzen dutenak. Elikadura-premiak dituzten pertsonen artean janaria banatzea dute helburu eta horretarako, dohaintza-kanpainen bitartez jasotako elikagaiak edo hainbat enpresaren elikagai-soberakinak baliatzen dituzte, elikagaiak alferrik galtzea ekidinez. 

Honako jarduera hauek burutzen dituzte:

• FESBALek sustatu egiten ditu federazioaren kide diren Elikagai Bankuen eginkizuna eta irudia gosearen, pobreziaren eta elikagai-galeraren aurkako borrokaren baitan. Horretarako, elikagaiak aprobetxatu eta behartsuenen artean banatzen dituzte Elikagai Bankuek, eta, aldi berean, ingurumena hobetzen laguntzen dute.
• Elikagai Bankuek biltegiratu eta sailkatu egiten dituzte berreskuratutako eta jasotako elikagaiak, eta beraiekin lankidetzan diharduten ongintzazko 7.955 erakundeen artean banatzen dituzte. Erakunde horiek, oro har, familia behartsuei eta gizarte-bazterkeriako arriskuan dauden gizataldeei ematen diete arreta.

CARITASen jarduerak pertsona zaurgarrien eta baztertuen harrera eta akonpainamendua hartzen ditu oinarri. Hala, ekonomia solidarioa bultzatzen du enplegu inklusiboko programen, gizarte-ekonomiako ekimenen, bidezko merkataritzako proposamenen, kontsumo arduratsuaren sustapenaren eta finantza etikoekiko konpromisoaren bidez. 

Besteak beste, honako ekintzak burutzen ditu:

• Akonpainamenduaren jarraipena ziurtatzea, zailtasun handiak dituzten familientzako (guraso bakarreko familiak, pilaketa, bakardadea) prebentzio- eta segurtasun-neurriak barne hartuta.
• Bakarrik bizi diren pertsona gaixo edo helduentzako akonpainamendua.
• Elikadurarako eskubidea duinagoa izan dadin lan egitea eta horretarako, txartel solidarioen erabilera bultzatzea, familien premietara hobeto egokitzeko, haien autonomia eta gaitasunak aintzat hartuta.
• Etxebizitzan bertan laguntza ematea.

EROSKIren Zentimo Solidarioak programaren kanpaina honek CARITAS eta FESBALekin bat egin du, gizarte-bazterketako arriskuan dauden gure inguruko familien oinarrizko elikadura- eta higiene-premiak estaltzen laguntzeko.

Kanpaina honekin bildu nahi dugun diruarekin, 7.235 pertsonari laguntzea aurreikusten da.

Honako hauek dira proiektuaren delegazio onuradunak: : 

CARITAS (webgunea)

FESBAL  (webgunea)