ZURE ONDOAN programaren helburu orokorra da zaurgarritasun egoeran dauden 3.000 ume eta nerabe eta 2.000 familia baino gehiagoren babesa eta hezkuntza bermatzea, COVID-19aren aurreko larrialdi nazionalean. Gainera, helburu zehatz hauek ditu:
- Ume zaurgarrienentzako hezkuntza-laguntza egokia erraztea.
- Umeen eta haien familia/begiraleen ongizate psikosoziala bermatzea.
- Familien gaitasun sozioekonomikoak hobetzea.
- Mugitzen ari den haurtzaroak bere beharretara egokitutako informazioa izan dezan bermatzea.
- Gizartea sentsibilizatzea bazterkeria-arriskuan dauden hainbat familiaren COVID-19aren aurreko zaurgarritasun-egoerari buruz eta egoera horri aurre egiteko balizko irtenbideak azaltzea.
- Administrazio publiko ezberdinek larrialdiari ematen dioten erantzunean eragina izatea.
Krisi ekonomikoak hainbat familiaren zaurgarritasun-egoera okertu du eta jende asko haien familien oinarrizko premiak estaltzeko baliabiderik gabe geratu da, konfinamenduak eragindako lan-egoera dela eta. Era berean, konfinamenduak haur eta nerabeengan izan duen inpaktu psikologikoa kontuan hartuta, baliteke horietako zenbaitek ondorio emozional larriak pairatu izana, bizi izan duten urduritasun-, beldur-, estutasun- eta kezka-egoera dela eta. Horregatik, EROSKIN Save the Children erakundearen ZURE ONDOAN ezohiko larrialdi-programarekin bat egin nahi dugu, krisi honek ume zaurgarrienetan dituen ondorio larriak arintzen laguntzeko eta haien oinarrizko elikadura-premiak estaltzeko.
ZURE ONDOAN programa sei autonomia-erkidegotan garatzen da eta zaurgarritasun ekonomikoko egoeran dauden 3.000 haur eta 2.000 familia ingururi laguntzen die, ondorengo ekintzak barne hartuta:
- Hiri-udalekuak antolatzea, hezkuntza-laguntza eta haurren parte hartzea bultzatzeko aisialdiko jarduerak eskaintzeko.
- Astero, familientzako topaketak antolatzea, haurren egoerari buruz hitz egiteko eta larrialdi-egoeran zehar haurrak zaintzeko aholkuak eman edo trukatzeko.
- Familia zaurgarrienei laguntza psikoemozionala eskaintzea, familia-unitatearen buru-osasuna (eta beraz, elkarbizitza) hobetzen laguntzeko.
- Gure profesionalen eta guraso parte-hartzaileen arteko topaketa digitalak antolatzea.
- Guraso kopuru handiago bati lagundu ahal izateko, telefono-zenbaki bat familia guztien esku jartzea. Bertan, larrialdi-egoeran zehar umeak zaintzearekin lotutako zalantzak argitu ahal izango dituzte.
- Lana galtzeagatik eta gastu osagarriak izateagatik (eskola-otordurik eza, osasun-materiala) diru-sarrera txikiagoak dituzten familien eskura ehun euroko diru-kopuru ez mugatuak jartzea (haur eta hilabete bakoitzeko).
EROSKIren Zentimo Solidarioen bitartez bildutako laguntza Bizkaian ZURE ONDOAN programaren barruan dauden 110 haur eta 90 familia zaurgarri baino gehiagoren elikadura bultzatzeko erabiliko da. Zailtasun hauetakoren bat bizi duten familiak dira:
- Familia horietako umeentzako hezkuntza-laguntzaren murrizketa
- Elkarbizitza-egoera zaila
- Lan-galera eta gastu osagarriak