FAGAL eta CEAFAren eskutik pertsonen narriadura kognitiboa atzeratzeko edo prebenitzeko lan egitea
Dementzia —gehienetan kronikoa edo progresiboa— funtzio kognitiboaren (pentsamendua prozesatzeko gaitasuna) narriadura ezaugarri duen sindrome bat da. Dementzia kasuetan, narriadura hori zahartze arruntaren ondoriozkoa baino handiagoa izaten da. Eragina du memorian, pentsamenduan, orientazioan, ulermenean, kalkulatzeko gaitasunean, ikasteko gaitasunean, hizkuntzan eta adimenean; baina kontzientzian ez du eraginik. Funtzio kognitiboaren narriadurarekin batera, edo, batzuetan, horren aurretik, kontrol emozionalaren, portaera sozialaren edo motibazioaren narriadura ere gertatzen da. Halakoetan, pertsona horrek aldez aurretik, egoera pertsonal, laboral, familiar eta sozialean funtzionamendu normalerako zuen independentzia galtzen du.
Espainia zahartze demografiko batean murgilduta dago, eta iragartzen da etorkizunean 80 urtetik gorakoen taldea azkar haziko dela eta horrek biztanleriaren "gehiegizko zahartze" bat eragingo duela; beraz, datozen urteetan mendekotasun-tasa handitu egingo da. Dementziaren bat agertzeko arrisku faktore nagusiena adina dela kontuan hartuta, beharrezkoa da adinekoei laguntzeko zerbitzuak sortu eta mantentzea, familia osoaren bizi kalitatea hobetzeko.
Beharrezkoa da Alzheimerra agenda politikoan sartzeko lan egitea, behar den konpromiso soziala bilatuz eta jendeari ezagutza zabalduz, Alzheimerrarekin bizi diren pertsona guztien interesak, beharrak eta eskubideak ordezkatu eta defendatzeko.
Kanpaina honetan FAGAL eta CEAFArekin elkarlanean arituko gara Alzheimerra dutenei eta haien familiei arreta emateko.
Jasotako dohaintzekin, erakunde horiek ondoren deskribatzen diren jarduerak indartu ahalko dituzte.
FAGAL
“Dementzia duten pertsonentzako estimulazio kognitiboa eta haien zaintzaileentzako aholkularitza” proiektuaren helburua da Alzheimerra eta beste dementzia batzuk dituzten pertsonen eta haiek zaintzen dituztenen bizi-kalitatea hobetzea. Horretarako, Federazioak lanean dihardu Galizian Alzheimerra eta beste dementzia batzuk dituzten pertsonen senideen elkarteak (AFAS) indartzeko eta gizartean aldaketak sortzeko, pertsona horien eta haien familien mesederako.
CEAFA
CEAFAren ustez, beharrezkoa da jendea heztea eta informatzea, hau da, bizimodu osasungarria izateko ohiturei buruz kontzientziatzea, kasu honetan, elikadura osasungarriari buruz. “Dementzia- eta elikadura-eskola”-k honako hau du helburu: pertsonak Alzheimer gaixotasuna prebenitzeko moduaz jabetzea, eta lehendik Alzheimerrarekin edo beste dementzia batzuekin bizi direnen bizi-kalitatea luzatzea, guzti hori elikaduraren bidez.
EROSKIren Zentimo Solidarioak programaren kanpaina honek FAGAL eta CEAFArekin egingo du lan.
Kanpaina horretatik espero den laguntzarekin, Alzheimerra duten 20.165 pertsonak eta haien senideek jasoko dute laguntza.