Pobreziaren eta gizarte-bazterkeriaren aurkako borrokan laguntzea, FESBAL, Caritas, Gurutze Gorria, Real Institución Benéfico Social Padre Rubinos eta Cocina Económica de A Coruña elkarteen bidez. Jasotako dohaintzekin, erakunde horiek kalteberatasun ekonomikoko egoeran dauden familien eta kolektiboen artean elikagaiak erosi eta banatu ahal izango dituzte.
Egungo krisi sozial eta ekonomikoaren ondorioz, handitu egin da kalteberatasun-egoeran dauden pertsonen kopurua, eta gero eta familia gehiagok dituzte zailtasunak oinarrizko elikadura-premiak asetzeko. INEren datuen arabera, pobreziaren edo gizarte-bazterkeriaren arriskua % 27tik % 27,8ra igo zen 2020tik 2021era. Gainera, COVID-19aren krisiak Elikagaien Bankuen erabiltzaileen gorakada eragin zuen bitartean, 2020aren amaieran elikadura-laguntzaren 1.560.000 pertsona eskatzailera iritsiz, egungo inflazio-maila altuek familien erosteko ahalmenean eragin larria izaten ari dira.
Seme-alabak izatea pobrezia- eta/edo bazterkeria-arriskuko faktore garrantzitsua da, eta guraso bakarreko familiak bereziki kalteberak dira, % 54,3ko pobrezia- eta/edo bazterketa-arriskura iritsiz 2021ean.
Horregatik, EROSKIn FESBAL, CARITAS, CRUZ ROJA, REAL INSTITUCIÓN SOCIAL PADRE RUBINOS eta COCINA ECONÓMICA DE LA CORUÑA elkarteekin lankidetzan aritu nahi dugu, gizarte-bazterkeria jasateko arriskuan dauden familiek oinarrizko elikadura-premiak beteta izan ditzaten.
- ElikagaiBankuak irabazi-asmorik gabeko gizarte-erakundeak dira, boluntarioen lanari esker funtzionatzen dutenak. Elikadura-premiak dituzten pertsonen artean janaria banatzea dute helburu eta horretarako, dohaintza-kanpainen bitartez jasotako elikagaiak edo hainbat enpresaren elikagai-soberakinak baliatzen dituzte, elikagaiak alferrik galtzea ekidinez. Horretarako, Elikagai Bankuek biltegiratu eta sailkatu egiten dituzte emandako, berreskuratutako eta jasotako elikagaiak, eta beraiekin lankidetzan diharduten ongintzazko 7.497 erakundeen artean banatzen dituzte. Erakunde horiek, oro har, familia behartsuei eta gizarte-bazterkeriako arriskuan dauden gizataldeei ematen diete arreta.
- Caritas erakundeak ekintza desberdinak egiten ditu pertsona eta familia zaurgarrienekin Parrokien Caritas bidez, Caritas Diozesiarretan elkartzen direnak. Erakundea hiri eta landa-eremuetan dago, ezta susmatu ere ez ezin den tokietara heltzen da, non askotan ez dago beste aukerarik edo giza-baliabiderik. Krisi sozial eta ekonomikoak larriagotutako edo eragindako familien kalteberatasunaren aurrean, azken urte hauetan sustatu eta betetzen saiatu diren ildoetako bat elikadura osasungarri eta kalitatezkoa izateko eskubidea duintzen aurrera egitea izan da, helburu sozialetarako erosketa-txartelen erabilera sustatuz. Horiei esker, laguntza hobeto egokitu daiteke familien beharretara, beren autonomia eta gaitasunetik abiatuta, eta elikadura modu integratzaile eta duinean eskura daiteke.
- Gurutze Gorriaren RESPONDE programak COVID-19 pandemiaren ondorioak murriztu nahi ditu, eta, horretarako, Gurutze Gorriak bere zerbitzuak eta jarduerak egokitu ditu pandemia honetan zaurgarrienak diren pertsonen errekuperazio-egoerara, botere publikoen laguntzaile gisa lagunduz eta herritarrei eta, bereziki, egoera bereziki zaurgarrian dauden familiei eta pertsonei ematen zaizkien erantzunen jarraipena ziurtatuz. Zentimo solidarioen laguntzarekin eta "Responde" programaren bidez, egoera zaurgarrian dauden pertsonen oinarrizko elikadura-premiak asetzen laguntzen dute.
- Real Institución Benéfico Social Padre Rubinos-ren funtzio soziala Gizarte Arretako Zentro Integratua osatzen duten 5 zentroetan gauzatzen da. Zentroko Jantoki Sozialak 230 pertsona artatzen ditu egunero batez beste, eta 2021ean guztira 162.298 otordu eskaini ditu. Erakundearen helburua zentroan dauden pertsonei erantzun integrala ematea da, elikaduraren, ostatuaren edo osasunaren oinarrizko premien estaldura bermatuz; banakako laguntza-prozesuak egiten ditugu, beren bizi-proiektua garatzea ahalbidetzeko eta bizi duten kalteberatasun-egoera gaindi dezaken.
- Cocina Económica de La Coruña ongintzako erakunde independentea da, eta urte osoan zehar jantokiko eta otorduak emateko zerbitzuak eskaintzen ditu, bai eta norberaren garbitasunerako eta laguntzako zerbitzuak ere. 2021ean, 1.482 pertsona/familia-unitate artatu ziren zerbitzu guztietan; horietako 438 etxerako janaria banatuz, eta 252.855 janari anoa banatu ziren guztira. Jantokian 107.348 bazkari eta 18.855 gosari banatu ziren. Gizarte Laneko zerbitzuei dagokienez, 930 pertsonak erabili zuten.
EROSKIren Zentimo Solidarioak programaren kanpaina honek FESBAL, CARITAS, GURUTZE GORRIA, REAL INSTITUCIÓN BENÉFICO SOCIAL PADRE RUBINOS eta COCINA ECONÓMICA DE LA CORUÑA elkarteekin kolaboratzen du, gizarte-bazterkeria jasateko arriskuan dauden familiek oinarrizko elikadura-premiak beteta izan ditzaten. Laguntza FESBALeko kide diren Elikagaien Banku probintzialei eta elizbarrutiei edo ordezkaritzei (CARITAS eta GURUTZE GORRIA, hurrenez hurren) zuzenduko zaie, laguntza gure dendetatik gertuen dauden zaurgarritasun-egoeran dauden pertsonei iristen zaiela ziurtatzeko.
Kanpaina honekin bildu nahi dugun diruarekin, 18.122 pertsonari laguntzea aurreikusten da.