Minbiziaren Aurkako Espainiako Elkartearen eta Bularreko Minbiziaren Nafarroako Elkartearen (SARAY) bidez, minbizia duten emakumeei laguntzea, elkarte horien errehabilitazio integraleko eta laguntza terapeutikoko, integrazioko eta autonomiako programak indartuta.
Urtero, Espainian, 34.750 emakumeri diagnostikatzen zaie bularreko minbizia. Emakumeek izaten duten minbizia motarik ohikoena bada ere, beste batzuk ere izan ohi dituzte; urtero 16.508 kolon eta ondesteko minbizia kasu hautematen dira, adibidez.
Minbiziak paziente zein familiarengan du eragina, eguneroko bizitza eten eta familiaren eta osasunaren ohiko funtzionamendua aldatu edo galtzea esan nahi baitu. Horrek osotasun fisikoan du eragina, eta gaixotasunak eragiten duen bizitzaren mehatxuarekin lotutako beldurrak sortzen ditu, bai pazientearengan, bai familiarengan. Hori dela eta, minbizia diagnostikatu zaien emakumeei, diagnostikoa jasotzen dutenean eta gaixotasun-prozesuan zehar ez ezik, tratamenduak amaitu ondoren beren eguneroko bizitzara itzultzen direnean ere eman behar zaie arreta.
Minbiziaren Aurkako Espainiako Elkartearen eta Bularreko Minbiziaren Nafarroako Elkartearen (SARAY) bidez, gaixotasun hori duten emakumeei lagunduko diegu eta errehabilitazio integraleko eta laguntza terapeutikoko, integrazioko eta autonomiako programak indartuko ditugu.
Minbiziaren Aurkako Espainiako Elkartea (AECC) irabazi asmorik gabeko erakundea da eta duela 69 urte hasi zen gaixotasun horren aurkako borrokan. Pazienteek, senideek, boluntarioek, laguntzaileek eta profesionalek osatzen dute eta Espainia osoan egiten dute lan. DNAn daramate pertsonen ondoan egoteko nahia, eta, beraz, euren lana emakumeei minbizia prebenitzen laguntzea, emakumeekin eta haien familiekin egotea diagnostikatzen dutenean eta gaixotasunaren prozesu osoan, eta ikerketa onkologikoa bultzatuz haien etorkizuna hobetzea da.
Horregatik, "Minbizia duten emakumeentzako laguntza integrala" programaren bidez, minbizia diagnostikatu zaien emakumeak eta familiak dituzten beharrak asetzen dituzte, doan betiere. Hau eskaintzen dute, zehazki:
- Diziplina arteko eta zeharkako arreta (soziala, medikua, psikologikoa) pazienteekin
- Arreta psikologikoa
- Arreta soziala (oinarrizko beharrak asetzea, lan-aholkularitza eta abar)
- Fisioterapia onkologikoa eta autozainketa
- Aisialdi-jarduerak
- Aholkularitza mediko-sanitarioa
SARAY 1996 urtearen hasieran sortu zen, bularreko minbizia zuten pertsonei laguntza eta babesa emateko elkarte bat sortzearen beharra ikusi baitzuen pertsona-talde batek. Bularreko minbizia duten pertsonei eta haien familiari arreta integrala eskaintzearen eta sustatzearen bidez gizarte-inpaktu handia sortzea du helburu, erakundeen jarduerak osatuz, batez ere alor sozio-sanitarioan, bularreko gaixotasunean inplikatuta dauden profesionalekin lankidetza eta koordinazioa mantenduz eta bularreko minbiziari buruzko ikerketan eta gizartearen informazioan eta sentsibilizazioan laguntzeko balioa emanez.
EROSKIren Zentimo Solidarioak programan Minbiziaren Aurkako Espainiako Elkartearekin eta Bularreko Minbiziaren Nafarroako Elkartearekin (SARAY) arituko gara elkarlanean, gaixotasun hori duten emakumeei laguntzeko eta errehabilitazio integraleko eta laguntza terapeutikoko, integrazioko eta autonomiako programak indartzeko.
Kanpaina honekin bildu nahi dugun diruarekin, 6.878 minbizia duten emakumeri eta haien familiei laguntzea aurreikusten da.