Baztertuta geratzeko arriskuan dauden pertsona desgaituei laguntzea erabat gizarteratzen, CNSE, COCEMFE eta DOWN ESPAÑA erakundeen bitartez. Jasotako dohaintzekin, erakunde horiek beren programak indartu ahal izango dituzte, pertsona gehiagorengana iristeko.
Kalkuluen arabera, Espainian desgaitasunen bat duten 4milioi persona baino gehiago bizi dira; hau da, gainerako gizartearen baldintza berberetan bizitzeko borrokatzen duten biztanle guztien % 9, gutxi gorabehera. Milioi 1 gorrek edo entzumen-desgaitasuna duten pertsonek komunikazio-oztopoak desagertzeko borrokan dihardute. Down-en sindromea duten 30.000 familiek lan egiten dute beren bizitzako eremu guztietan inklusioa eta autonomia lortzeko. Eta 2,5 milioi ezindu fisiko eta organikok erabateko inklusioari etaparte-hartze aktiboari aurre egin behar diote egunero gizartearen esparru guztietan.
Egungo krisi-egoerak areagotu egin du gizarte-babesgabetasuneko egoerak jasateko arriskua, eta inpaktu handia izan du, ondorio garrantzitsuak eraginez, eta egoera zailetara iritsi dira familia asko. Horregatik, EROSKIn lankidetzan aritu nahi dugu Pertsona Gorren Estatuko Konfederazioa (CNSE), Desgaitasun Fisikoa eta Organikoa duten Pertsonen Espainiako Konfederazioa (COCEMFE) eta DOWN ESPAÑA elkarteekin, pertsona desgaituei eta haien familiei laguntzeko.
CNSE
Pertsona gorren elkarte-mugimenduak, CNSE-Pertsona Gorren Estatuko Konfederazioa eta haren 18 lurralde-erakunde kide buru direla, gorren eskubideak defendatzen ditu, eta, besteak beste, honako zerbitzu hauek eskaintzen ditu:
- Zeinu-mintzairaren interpreteen zerbitzua
- Pertsona gorrentzako arreta-zerbitzua
- Kide gorrak dituzten familientzako arreta-zerbitzua
- Pertsona gorrentzako enplegu-zerbitzua
COCEMFE
91 lurralde- eta estatu-erakunde biltzen ditu, eta horiek 1.600 elkarte baino gehiago ordezkatzen dituzte herrialde osoan. Hona hemen egiten dituzten jardueretako batzuk:
- Prestakuntza-ekintzak
- Terapia intentsiboak konfinamenduak gehien kaltetu dituen pertsonentzat.
- Pazientea aktibatzea, bere tratamenduaz arduratzeko, hain larriak ez diren patologien kasuetan.
- Aurrez aurreko saioetara joaterik ez duten etxez etxeko saioak.
- Tailer psikosozialak
- Desgaitasunen bat duten emakumeak ahalduntzeko programa
DOWN ESPAÑA
DOWN ESPAÑA federatutako erakundeak (90 elkarte) pandemia honek familiengan izan duen eraginaren lekuko izan dira. Hain egoera zailei aurre egiteko, Larrialdi Funtsa sortu du, Gizarte-bazterketako arriskuan dauden down sindromea duten haur eta nerabeak dituzten familiengana iristeko. Horretarako, honako jarduera hauek burutzen dituzte:
- Lehen fase batean, bere sare nazionalen bidez, beharra duten familiak detektatzen dituzte.
- Behin familia detektatuta, laguntza ekonomikoak ematen dizkiote, arreta goiztiarreko eta hezkuntza-laguntzako zerbitzuak eta baliabideak eskuratzeko.
- Azkenik, jarraipen- eta ebaluazio-ekintzak egiten dira inplikatutako familiekin.
EROSKIren "Zentimo Solidarioak" programaren kanpaina honek desgaitasuna duten pertsonei eta haien familiei lagunduko die.
Kanpaina honekin lortu nahi den laguntzarekin, 9.958 laguni emango zaie laguntza Pertsona Gorren Estatuko Konfederazioa (CNSE), Desgaitasun Fisikoa eta Organikoa duten Pertsonen Espainiako Konfederazioa (COCEMFE) eta DOWN ESPAÑAk dituzten tokiko entitateen bitartez.
https://www.cnse.es/index.php/cnse/miembros