Adinekoen bizi kalitatea hobetzen laguntzea, Mallorca Sense Fam Elkartearen, Lares Fundazioaren, Amigos de Los Mayores Fundazioaren eta Gurutze Gorriaren bidez.
Zahartzaroan bakardadea, narriadura fisiko eta kognitiboa edo autonomia pertsonalik eza bezalako arazoak eragin ditzaketen arrisku faktore batzuk identifikatzea eta prebenitzea ezinbestekoa da zaurgarritasun egoeran dauden adinekoentzat; izan ere, zahartzearen ondorioz, adinekoak isolatu egiten dira, eta oroimen zailtasunak eta testuak ulertzeko zailtasunak izaten dituzte.
Espainiako Estatistika Institutuak (INE) egindako Familiei buruzko azken inkestak 2020an Espainiako familiek pandemia eta konfinamenduari aurre nola egin zioten erakusten du. Bertan, agerian uzten da ia 5 milioi pertsonak hilabete gogor horiek bakardadean pasa zituztela. Horietatik % 43k 65 urte edo gehiago zituzten, eta horietatik % 70 emakumeak ziren (85 urtetik gorako emakumeen % 44 bakarrik bizi ziren, eta gizonen % 24).
Kanpaina honetan honako elkarte hauekin arituko gara elkarlanean: Mallorca Sense Fam elkartea, Lares Fundazioa Alcolleren bitartez (Asociación Gallega de Residencias y Centros de ancianos de iniciativa social), Amigos de los Mayores fundazioa eta Gurutze Gorria. Guztion artean zaurgarritasun egoeran dauden adinekoei arreta ematea da helburua.
Jasotako dohaintzekin, erakunde horiek ondoren deskribatzen diren jarduerak indartu ahalko dituzte.
MALLORCA SENSE FAM ELKARTEA
Mallorca Sense Fam elkarteak behar gehiena duten familiei elikagaiak doan ematen eta banatzen dizkie. Adineko pertsonek elikagaiak “Etxez Etxeko Elikagaien Laguntza Solidarioa” programaren bidez jasotzen dituzte. Programa hori osatzen duten boluntario taldeari esker garatzen da, eta lana modu guztiz altruistan egiten dute.
Familiei elikagai ontziratuak ematen zaizkie: olioa, arroza, atuna, azukrea, kakao disolbagarria, galletak, esnea, lekale egosiak, barazki menestra, haragia, pasta, sardinak, tomate frijitua, ogia, arrautzak, fruta, barazkiak, haurrentzako elikagaiak (fruta-barazki- haragi potoak, zerealak eta jarraipeneko esnea 0-24 hilabete bitarteko haurrentzat). Gainera, garbitasun pertsonalerako eta etxea garbitzeko produktuak ere jasotzen dituzte.
LARES FUNDAZIOA - ACOLLE
“Irakurketa errazeko kluba” proiektua egoiliarren irakurketa eta gizarteratzea sustatzeko diseinatutako jarduera da, haien behar espezifikoetara egokitua. Irakurketa klub mota honek kontuan hartzen ditu adinekoek izan ditzaketen muga kognitiboak, bisualak edo arretari dagozkionak.
Egoitza bakoitzean, talde txikiak sortzen dira, terapeuta okupazionalek, psikologoek edo gizarte hezitzaileek dinamizatuak. Horiei esker, LARES FUNDAZIOAren ACOLLEko zentro bakoitzeko egoiliarrek beren ahalmen kognitiboa indartu eta mantentzea lortzen dute. Bien bitartean, beste egoiliar batzuekin harremanak eta loturak sortzeko aukera dute, eta eguneroko errutina hausten duten jarduera atsegin eta konstruktiboak egiten dituzte, nahi ez den bakardadea arinduz eta bizi kalitatea hobetuz.
AMIGOS DE LOS MAYORES FUNDAZIOA
“Bakardadea jasaten duten adinekoentzako laguntza emozionala” proiektuaren helburua da Bartzelonako eta inguruko metropoli eremuko adineko pertsonen nahi gabeko bakardadea eta gizarte isolamendua arintzea. Horretarako, boluntarioek laguntza emozionala ematen diete nahi ez duten bakardadea duten adinekoei, eta pertsona horiek hiriko gizarte eta komunitate sarean sartzea errazten dute.
GURUTZE GORRIA
“Zahartze prozesuan dauden pertsonak” proiektuaren helburua da zahartze aktiboa sustatzea eta gizartean zahartzeari buruz dagoen pertzepzioa aldatzea. Proiektuaren beste helburuetako bat da adina handitu ahala ezinbestean gertatzen den narriadura fisikoaren gaineko inpaktu negatiboa murriztea. Hala, adinekoak bere gaixotasuna hobeto kontrolatzeko aukera izan dezake, eta gaixotasun kronikoak edo osasun fisikoan modu negatiboan eragiten duten bizi ohitura osasungarriak har ditzake.
EROSKIren Zentimo Solidarioak programaren kanpaina honek Mallorca Sense Fam Elkartearekin, Lares Fundazioarekin, Amigos de Los Mayores Fundazioarekin eta Gurutze Gorriarekin lankidetzan jardungo du.
Kanpaina horretatik lortzea espero den laguntzari esker, zaurgarritasun egoeran dauden 5.745 adineko onuradun izango direla kalkulatzen da.
MALLORCA SENSE FAM ELKARTEA (erakundearen webgunea)
LARES FUNDAZIOA (erakundearen webgunea) eta Acolle (Lares fundazioaren erakundea)
AMIGOS DE LOS MAYORES FUNDAZIOA (erakundearen webgunea)
GURUTZE GORRIA (erakundearen webgunea)