Egoera-zaurgarrian dauden haurrei laguntzea ACCIÓN CONTRA EL HAMBRE, CÁRITAS BIZKAIA, CÀRITAS DIOCESANA DE MENORCA, FUNDACIÓN AMASOL, FUNDACIÓN JUANSOÑADOR, JUNEREN HEGOAK eta SAVE THE CHILDREN elkarteei lagunduko die. Jasotako dohaintzekin, erakunde horiek ondoren deskribatzen diren jarduerak indartu ahal izango dituzte
Estatu espainiarreko haurren pobreziaren 2021eko zifrak azken bost urteetako altuenak dira: % 28,9ko pobrezia-arriskua eta 1,5eko hazkundea 2020tik aurrera, eta, aldiz, % 0,7ko hazkundea biztanleria osoan. Hau da, bi milioi eta erdi haur baino gehiago pobrezia-egoeran bizi dira, eta horietatik 889.000k ezin dute ongizaterako eta duintasunerako oinarrizko 13 beharretatik 7 bete. Guraso bakarreko familien kasuan, egoera are larriagoa da, % 54,3 pobrezia eta gizarte-bazterketa jasateko arriskuan zegoen 2021ean. Ehuneko hori Espainiako gainerako etxeen bikoitza da, % 27,8ko pobrezia-arriskua baitute. Gainera, ama bakarreko familien % 69k zailtasunak ditu hilaren bukaerara iristeko, eta % 44,8k zailtasunak edo zailtasun handiak ditu.
Bestalde, haur askok tratamendu garestiak dituzten gaixotasunak dituzte, eta haien familiek, egoera horrek sortzen duen sufrimendu handiaz gain, seme-alabei hain une gogorretan laguntzeak dakarren gastuari aurre egin behar diote.
Hori dela eta, EROSKInACCIÓN CONTRA EL HAMBRE, CÁRITAS BIZKAIA, CÀRITAS DIOCESANA DE MENORCA, FUNDACIÓN AMASOL, FUNDACIÓN JUANSOÑADOR, JUNEREN HEGOAK eta SAVE THE CHILDREN elkarteekin kolaboratu nahi dugu, gizartetik baztertzeko arriskuan edo egoera zaurgarrian dauden haurrek elikadura- eta higiene-beharrak aseta izan ditzaten, eta haien tratamenduetan laguntza jaso dezaten.
ACCIÓN CONTRA EL HAMBRE elkartearen helburua desnutrizioa prebenituz, detektatuz eta tratatuz bizitzak salbatzea da. Zentimo solidarioen laguntza jasoko duen “Elikadura osasungarria izateko laguntza” proiektuaren bidez, oso egoera zaurgarrian dauden familien elikadura-segurtasunik ezari aurre egin nahi zaio. Familiei laguntza ekonomikoa eskaintzen zaie, premiazko elikagaiak eskuratzeko eta erosteko, eta, sentsibilizazio-ekintzen bidez, oinarrizko dieta askotarikoagoa eta elikadura-ohitura osasungarriagoak sustatzeko.
CÁRITAS BIZKAIA elkarteak gure gizarteko pertsonarik ahulenekin egiten du lan, gizarte-bazterkeriari aurre egiteko. Gizarte-egoera zaurgarrian dauden haurrak zaindu eta sustatzeko programa egoera zaurgarrian dauden 6 eta 14 urte bitarteko familientzat da eta pobreziaren belaunaldien arteko transmisioa geldiaraztea du helburu. Programaren barruan, eskola-laguntzako, astialdiko eta askari partekatuko jarduerak egiten dira, ohiturak, bizitzarako trebetasunak eta balioetan oinarritutako hezkuntza landuz. Familiekin batera egiten da lan hori, eta beste eragile eta zerbitzu batzuekin koordinatzen da esku-hartzea..
CÁRITAS DIOCESANA DE MENORCA boluntarioekin lan egiten du, gizartean bazterturik dauden familia askok jasaten duten zaurgarritasuna arintzeko eta egoera hobetzeko, sustapenean, autonomian eta parte-hartzean oinarritutako laguntzaren bidez. Zentimo solidarioak programari esker, Menorcan jaio berriak edo adingabeak dituzten 18 familiari lagunduko zaie, eta autonomia emango zaie hazteko behar diren produktuak eskuratzeko eta haurren oinarrizko elikadura-beharrak asetzeko.
AMASOL FUNDAZIOAren xedea da ama bakarreko familiak, aita bakarreko familiak eta familia berrosatuak haien garapen integralari dagokion guztian laguntzea eta ahalduntzea, haien eskubideak eta askatasunak familia-egitura gisa defendatzea sustatuz; gizarte-justizia globala sustatzen duen ekintza oro hartuz. Zentimo solidarioen diru-bilketarekin “Nadie atrás” proiektua bultzatuko da. Proiektu horrek oinarrizko beharren estaldura puntuala eskaintzen die baztertuta geratzeko arriskuan dauden guraso bakarreko 120 familiari, gizarteratzeko ibilbideetan jarraitzeko.
JUANSOÑADOR FUNDAZIOAren helburua da arriskuan dauden eta/edo gizarte-bazterkeria jasaten duten adingabeei, gazteei eta pertsona helduei eta haien familiei prebentzioa, hezkuntza eta gizarte-sustapen integrala ematea. “Askari osasungarriak” proiektuari esker, askarietarako gune bat jarri dute, astelehenetik ostiralera, eskolako oporretan, bizimodu osasungarria izateko ohiturak sustatzeko eta egoera ahulean dauden haurren elikadura hobetzeko.
JUNEREN HEGOAK beren seme-alaben gaixotasunei edo doluari aurre egin behar dietelako egoera ahulean dauden Gipuzkoako familientzako laguntza-sarea sortzea du helburu nagusi elkarteak. Zentimo solidarioak programan bildutako diruarekin gaixotasun eta elbarritasun horien tratamenduaren kostu handia arinduko da, terapiak ordaintzen, ospitalera joaten, garraio-gastuak ordaintzen eta mantenua ordaintzen lagunduz.
SAVE THE CHILDRENen misioa da aurrerapauso esanguratsuak bultzatzea haurrak tratatzeko moduan, beren bizitzetan berehalako aldaketa iraunkorrak eragiteko. “Inpulsa” programak elikadura eskaintzen die ikasturte osoan ikastetxeetara joaten diren pobrezia edo zaurgarritasun handiko haurrei. Programaren helburua elikadura oso eta osasungarria bermatzea da.
EROSKIren Zentimo Solidarioak programa honek ACCIÓN CONTRA EL HAMBRE, CÁRITAS BIZKAIA, CÀRITAS DIOCESANA DE MENORCA, FUNDACIÓN AMASOL, FUNDACIÓN JUANSOÑADOR, JUNEREN HEGOAK eta SAVE THE CHILDREN elkarteei lagunduko die.
Kanpaina honekin lortu nahi den laguntzarekin, egoera zaurgarrian dauden 1.572 neska-mutili lagunduko zaiela kalkulatzen da.