Minbizi ginekologikoaren eta bularreko minbiziaren ikerketan lagundu

Minbizi ginekologikoaren eta bularreko minbiziaren ikerketa sustatzen laguntzen du, eta, horri esker, tratamendu berriak ezarri ahal izango dira Euskadin, EiTB Maratoiaren 2026ko deialdiaren bidez, Berrikuntza eta Ikerketa Sanitarioko Euskal Fundazioarekin (BIOEF) batera.

Azken hamarkadetan, bularreko minbiziaren intzidentziak gora egin du Euskadin, eta hilkortasunak, berriz, behera. Eredu hori bateragarria da detekzio goiztiarragoen eta hobekuntza terapeutikoen konbinazioarekin.

Ikerketa Euskadiko Osasun Sistemaren zutabe estrategikoa da minbiziaren abordatze integralean. Ikerketa-jarduera handieneko arloa da, eta ikerketa-proiektu eta saiakuntza kliniko gehien biltzen ditu. Emaitzetara bideratutako jarduera zientifiko baten bidez, gaixotasunaren jarraipen osoa hartzen duten proiektuak garatzen dira, prebentziotik eta diagnostiko goiztiarretik tratamendu berrien garapenera eta eragindako pertsonen bizi-kalitatearen hobekuntzara. 

Esparru horretan, sistemak batez ere Doitasunezko Medikuntza Pertsonalizatuan eta Terapia Aurreratuetan egiten den ikerketa bultzatzen du patologia onkologiko guztietarako, eta, horren barruan, bularreko minbizia eta minbizi ginekologikoak sartzen dira bereziki, arlo horiek garrantzi handia baitute osasunean eta zientzian.

Ikerketan inbertitzea oraingo eta etorkizuneko bizi-kalitatean inbertitzea da.

EROSKIren Zentimo Solidarioak programaren kanpaina hau EiTB Maratoia 2025 deialdiarekin batera egingo da, Berrikuntza eta Ikerketa Sanitarioko Euskal Fundazioaren (BIOEF) bidez. Kanpaina honekin lortu nahi den laguntzarekin, guztira 80-100 ikertzailek garatuko dituzten 10 ikerketa-proiektu inguru babestuko direla uste da.JARDUERAK 

EiTB Maratoia 2026