Axuda a mellorar a calidade de vida das persoas con cancro a través do acompañamento e a investigación.

Colaborar para axudar á investigación e acompañamento de persoas con cancro a través dos proxectos da Fundación Cris de investigación para vencer o cancro, a Federación Española de familias de cancro infantil e a Fundación Pequeño Deseo.

En España, o cancro é a principal causa de morte. Este ano van ser diagnosticadas de cancro case 300.000 persoas no noso país.

Cada vez afecta a persoas máis novas e require dun enfoque multidisciplinar que abarque tanto o ámbito sanitario como o social. Entre os máis frecuentes atópanse o cancro de pulmón, de colon, de mama e de próstata. En canto ao cancro infantil, aínda que menos prevalecinte, é a principal causa de morte de menores en Europa, con ao redor de 1.100 novos diagnósticos anuais en menores de 14 anos (RETI-SEHOP, 2024).

O cancro, en calquera das súas formas, supón un forte impacto na vida das persoas diagnosticadas e na da súa contorna. A enfermidade xera un proceso longo e complexo, que a miúdo implica hospitalizacións prolongadas, tratamentos invasivos, e múltiples efectos secundarios. Esta situación pode afectar profundamente tanto á saúde física como ao benestar emocional do paciente, así como á estabilidade das familias, que deben afrontar cambios drásticos no seu día a día. No caso do cancro infantil, estas dificultades se amplifican pola idade temperá do paciente e a carga emocional que recae sobre os seus coidadores. 

Por todo iso, é fundamental garantir unha atención integral e coordinada que non só aborde a dimensión médica, senón tamén a psicolóxica, social e económica; e é crucial investir en investigación.  Só a ciencia pode curar o cancro. As necesidades de apoio esténdense desde o diagnóstico ata a fase de recuperación ou coidados paliativos, e inclúen tanto ás persoas enfermas como a quen os acompaña no proceso. Ademais, a investigación en oncoloxía desempeña un papel esencial para avanzar na detección precoz, o desenvolvemento de terapias máis eficaces e personalizadas, e a mellora da calidade de vida durante e despois da enfermidade. Apoiar a investigación é clave para seguir aumentando as taxas de supervivencia e reducir os efectos adversos dos tratamentos.

Coas doazóns recibidas, estas organizacións poderán reforzar os proxectos que se describen a continuación.

Fundación Cris de investigación para vencer o cancro

Cris Contra el Cáncer traballa para mobilizar á sociedade para acabar co cancro a través da investigación. Faino impulsando o desenvolvemento de tratamentos máis efectivos e personalizados, desde terapias celulares a medicina de precisión e inmunoterapia, co obxectivo de dar novas oportunidades a persoas que neste momento non as teñen. Neste contexto, o programa Microambiente del Cáncer de Próstata ten como obxectivo abordar o cancro de próstata dunha maneira moi innovadora, abordando algo que poucas veces se ten en conta: A complexidade dos tumores e de todo o que os rodean, o que chamamos a Matriz Extracelular. A brillante Dra. Lorea Valcárcel estuda como os tumores provocan cambios nesa rede de proteínas que rodea o tumor e como estes cambios fan que a enfermidade avance moito máis rapidamente. Este innovador proxecto é crucial, porque nos permitirá deseñar terapias que sexan verdadeiramente efectivas contra o cancro de próstata avanzado.

Federación Española de familias de cancro infantil

A Federación Española de familias de cancro infantil coordina e aglutina a actividade de 23 asociacións de pais e nais que a integran repartidas por toda España, cun obxectivo común: mellorar a calidade de vida dos menores con cancro e as súas familias. O programa de Apoyo psicosocial, económico y educativo a menores con cáncer y sus familias proporciona unha atención integral aos menores con cancro e ás súas familias, desde o diagnóstico, durante o tratamento e ao longo dos anos de remisión, a través da promoción, defensa e reivindicación dos seus dereitos ante as institucións e a sociedade. Trátase de paliar as múltiples dificultades tanto a nivel psicolóxico, social, educativo e económico que poidan xurdirlles durante o desenvolvemento da enfermidade e tras ela. Os beneficiarios do programa son os e as menores e a súa familia directa, especialmente proxenitores e as súas irmás/áns, xa que a enfermidade inflúe, e de forma violenta, a todo o núcleo familiar.

Fundación Pequeño Deseo

A Fundación Pequeño Deseo traballa para mellorar a calidade de vida de nenos e nenas con enfermidades graves ou crónicas, cumprindo os seus desexos e apoiando iniciativas de humanización hospitalaria. O proxecto Cumplir un deseo puede ser la mejor medicina consiste en cumprir as ilusións máis especiais de nenos e nenas que enfrontan enfermidades como o cancro, transformando o seu día a día nunha experiencia chea de alegría e esperanza. Estes desexos representan un momento de felicidade e axudan aos nenos e nenas a desconectar da rutina hospitalaria e a fortalecer o seu ánimo para afrontar os seus tratamentos. O desexo convértese nunha experiencia máxica, organizada co máximo coidado e atención, garantindo que o neno e a súa familia vivan momentos inesquecibles. Tras a realización do desexo, os nenos experimentan emocións positivas que reducen o seu estrés, ansiedade e aumentan a súa resiliencia emocional. E as familias tamén senten o apoio e a solidariedade en momentos difíciles.

Esta campaña do programa Céntimos Solidarios de EROSKI colaborará coa Fundación Cris de investigación para vencer o cancro, a Federación Española de familias de cancro infantil e a Fundación Pequeño Deseo. Coa axuda que se espera conseguir con esta campaña, estímase que se axudará a polo menos 97 beneficiarios directos

Fundación Pequeño Deseo (web da entidade).

Fundación Cris de investigación para vencer el cáncer (web da entidade).

Federación Española de familias de cáncer infantil (web da entidade).