CONSIGAMOS 5.000.000 DE COMIDAS PARA ALIMENTAR A 1.800 FAMILIAS DURANTE UN ANO

Conseguir en 2021 a través do programa Céntimos Solidarios e as recollidas de alimentos nas tendas 5.000.000 de comidas para alimentar a 1.800 familias durante un ano. Coas doazóns recibidas os Bancos de Alimentos poderán adquirir e distribuír alimentos entre as familias e colectivos vulnerables.

Segundo o Instituto Nacional de Estatística, a taxa de risco de pobreza e/ou exclusión social situouse en 2020 no 26,4% da poboación residente en España e afectou a 12.495.000 persoas, fronte ao 25,3% rexistrado o ano anterior. Isto implica que unhas 620.000 novas persoas están en risco de pobreza ou exclusión social este último ano.

Antes do inicio da pandemia, os Bancos de Alimentos atendían a 1.050.000 beneficiarios, no ano 2020 terminouse atendendo a 1.560.000 persoas das cales máis de 300.000 foron nenos e nenas de 0 a 15 anos. 

Por iso, en EROSKI queremos colaborar coa Federación Española de Bancos de Alimentos (FESBAL) e os 44 Bancos de Alimentos asociados para que as familias en risco de exclusión social da nosa contorna máis próxima poidan ter cubertas as súas necesidades básicas de alimentación e hixiene.

Os Bancos de Alimentos son entidades sociais sen ánimo de lucro, baseados no voluntariado e o seu obxectivo é redistribuír gratuitamente entre as persoas que o necesitan as doazóns de alimentos que reciben, así como os excedentes alimentarios das empresas, evitando así o desperdicio alimentario. 

As actividades que levan a cabo son:

• Os Bancos de Alimentos almacenan e clasifican os alimentos recuperados e recollidos, para repartilos entre as 7.955 entidades benéficas coas que colaboran e que atenden, principalmente, familias en situación de pobreza como outros colectivos en risco de exclusión social.
• FESBAL, ademais, promociona o labor, a imaxe e a figura dos Bancos de Alimentos asociados na súa loita contra a fame, a pobreza e o desperdicio de alimentos, mediante o seu aproveitamento e repartición ás persoas máis necesitadas contribuíndo, ademais, a mellorar o medio ambiente ao evitar o desperdicio de alimentos.

Esta campaña do programa Céntimos Solidarios de EROSKI colabora con FESBAL, para que as familias en risco de exclusión social da nosa contorna máis próxima poidan ter cubertas as súas necesidades básicas de alimentación e hixiene.

Coa axuda que se espera conseguir con esta campaña e a recollida de alimentos, estímase que se axudará a 1.800 familias.

Axudarase ás 44 delegacións de Bancos de Alimentos existentes nas rexións onde se sitúan as tendas de EROSKI 

FESBAL  (web)