Colaborar para axudar as persoas e familias en situación de vulnerabilidade a través de FESBAL, CÁRITAS, ECOS DO SUR e PARIS 365. A Campaña desenvolverase en dúas partes: do 3 ao 23 de novembro, ambos inclusive, as doazóns recibidas irán dirixidas a FESBAL, CÁRITAS e ECOS DO SUR. E do 4 de decembro ao 3 de xaneiro de 2024, ambos inclusive as doazóns recibidas irán dirixidas a FESBAL, CÁRITAS, ECOS DO SUR e PARIS 365. Coas doazóns recibidas estas organizacións poderán reforzar as actividades que se describen a continuación.
Cada vez máis familias teñen dificultades para cubrir as súas necesidades básicas de alimentación debido á situación actual de crise económica e social. En 2021, máis de 13 millóns de persoas, un 27,8%, atopábanse en risco de pobreza e/o exclusión social en España, de acordo cos datos do INE. Trátase dunha tendencia ascendente impulsada pola pandemia e os altos niveis de inflación.
Ademais, ter fillos e fillas é un factor de risco ante este problema, e estes fogares teñen taxas de pobreza máis altas. Os peores datos téñenos as familias monomarentais e monoparentais que nun 81% dos casos están compostas por unha muller cun ou máis menores dependentes o cal dá lugar a que un 54,3% delas estean en risco de pobreza e exclusión social, unha porcentaxe que supera en 26,5 puntos a taxa media global, segundo o indicador AROPE.
Por iso, en EROSKI queremos colaborar con FESBAL, CÁRITAS, ECOS DO SUR, e PARIS 365 para que poidan axudar as persoas e familias en situación de vulnerabilidade.
FESBAL compóñena 54 Bancos de Alimentos a nivel estatal que reparten alimentos a 7.497 entidades benéficas. O seu obxectivo é loitar contra a fame, a pobreza e o desperdicio de alimentos mediante o seu aproveitamento e repartición ás persoas máis necesitadas de maneira gratuíta e a través de voluntariado. Os Bancos de Alimentos almacenan e clasifican os alimentos doados e atenden a persoas e familias en situación de vulnerabilidade dedicando toda a súa organización á distribución de alimentos. Principalmente atenden a familias en situación de pobreza, pero tamén a outros colectivos en risco de exclusión social.
CÁRITAS colabora con persoas e familias en situación de vulnerabilidade a través das Cáritas Parroquiais agrupadas en Cáritas Diocesanas con presenza en zonas urbanas e rurais. Ante a dramática situación que viven moitas persoas e familias na actualidade por non ter cubertas as súas necesidades básicas, desde CÁRITAS trabállase para facilitar o acceso a produtos de alimentación e hixiene fomentando o uso de tarxetas de compra que permiten acceder a estes produtos. Ademais, CÁRITAS leva a cabo un diagnóstico de cada situación e en base a iso propón un plan que inclúe acceso a outros recursos e servizos complementarios.
A misión de ECOS DO SUR é promover a integración e participación de colectivos vulnerables ou en risco de exclusión, así como mellorar as condicións de vida dos países con menos posibilidades de desenvolvemento, facilitando o acceso aos recursos, baixo os preceptos de igualdade de oportunidades. Coa axuda dos Céntimos Solidarios garantirase o acceso a recursos básicos e alimentos saudables ás familias máis vulnerables en Galicia e daráselles apoio para a elaboración de menús económicos e saudables a través de talleres.
PARIS 365 é unha organización cidadá sen ánimo de lucro, baseada no voluntariado, que traballa pola prevención das situacións de exclusión social na infancia, e para mellorar as condicións de vida das persoas en situación de vulnerabilidade social. O Comedor e Despensa Solidaria Paris 365 atende as necesidades básicas de alimentación, así como outras de tipo socio-relacional ás persoas e familias de Pamplona e Comarca de Pamplona desde hai 13 anos. O obxectivo é crear unha sociedade máis inclusiva a través do traballo comunitario, a economía social e solidaria, a participación das propias persoas usuarias, a promoción dos dereitos humanos e a consecución da xustiza social para todos os seres humanos.
Esta campaña do programa Céntimos Solidarios de EROSKI colaborará con FESBAL, CÁRITAS, ECOS DO SUR, e PARIS 365. Coa axuda que se espera conseguir con esta campaña, estímase que se axudará a 1.700 familias en situación de vulnerabilidade de distintas provincias.