AXUDA PARA A LOITA CONTRA O CANCRO INFANTIL E O APOIO ÁS SÚAS FAMILIAS 

Colaborar para a axuda aos menores con cancro e as súas familias a través da asociación de pais e nais de nenos e nenas con cancro de cada zona. Coa colaboración da Federación Española de Padres de Niños/as con Cáncer ( FEPNC) poderemos chegar ás distintas asociacións locais para axudar ás familias afectadas que están máis próximas ás nosas tendas. En Áraba e Cantabria colaboraremos directamente coas asociacións ASPANAFOA e AMASE, respectivamente. Coas doazóns recibidas estas organizacións poderán reforzar as actividades que se describen a continuación para chegar a máis familias e que os seus servizos sexan máis estables e permanentes.

O cancro infantil é a primeira causa de morte por enfermidade nos máis pequenos dentro dos países desenvoltos. En España, cada ano, detéctanse 1.500 novos casos en nenos/ as de 0 a 18 anos. A supervivencia dos menores con cancro en España viuse incrementada nun 45% nos últimos 40 anos, e un dos factores máis importantes foi a detección precoz, así se chegou a que a supervivencia chegue a estar nun 80%. O tratamento adoita ser un proceso agresivo que conleva momentos difíciles para os nenos/ as e as súas familias. Expóñense ao reto da supervivencia, á dureza dos tratamentos, e a moitos outros problemas que afectan a todos os aspectos da súa vida cotiá: económicos, educativos, psicolóxicos, sociais, afectivos…. Tras o diagnóstico prodúcese unha ruptura violenta no funcionamento familiar. Por iso, é necesario desenvolver accións dirixidas a minimizar as alteracións emocionais e a interrupción do adecuado desenvolvemento do neno enfermo. As asociacións de pais e nais de nenos, nenas e adolescentes con cancro realizan un labor fundamental neste ámbito con programas desenvoltos por equipos multidisciplinares (psicólogos, traballadores sociais, voluntarios) en colaboración co equipo médico asistencial dos hospitais. 

AMARA en Cantabria, ASPANAFOA en Áraba e a Federación Española de pais de niños/as con cáncer ( FEPNC), que agrupa ás asociacións de pais de nenos con cancro do resto de provincias, son exemplos de entidades sen ánimo de lucro que fan un acompañamento primordial a estas familias ao longo de todo o proceso oncolóxico dos seus fillos/ as. Por iso, en EROSKI queremos colaborar con AMARA CANTABRIA, ASPANAFOA ÁRABA e FEPNC para que xuntos poidan axudar ao maior número de familias posible de maneira permanente achegándolles todo o apoio que necesitan.

As asociacións que integran a FEDERACIÓN ESPAÑOLA DE PADRES DE NIÑOS/AS CON CÁNCER ( FEPNC), traballan desde o mesmo momento do diagnóstico cun equipo de profesionais que ofrece apoio ás nais e pais, e aos menores afectados: 

• A nivel psicolóxico, grazas ás sesións terapéuticas individuais ou en grupo, trabállase para que as familias afectadas polo cancro infantil poidan afrontar os cambios que se producirán na súa vida durante o tratamento e en todas as fases da enfermidade, mesmo no loito.
• A nivel social, informando e axudando sobre as diferentes prestacións existentes, realizando os trámites necesarios, xestionando o préstamo de material ortoprotésico, etc. 
• A nivel educativo, dando apoio extraescolar a domicilio e nas asociacións, así como no hospital cando é necesario. 
• Rede de pisos de acollida repartidos por toda España, xeralmente preto dos hospitais de referencia, para familias desprazadas da súa Comunidade. 
• Actividades de voluntariado, presencial cando a situación sanitaria actual o permita, e se non, a través de plataformas. 

En AMARA Cantabria teñen como obxectivo principal contribuír ao aumento das expectativas de vida dos nenos e adolescentes enfermos de cancro da nosa rexión, potenciando e mellorando a atención e asistencia sociosanitaria destes nenos e adolescentes e conseguindo niveis dignos de calidade de vida, para eles e as súas familias. En AMARA traballan desde o convencemento de que, eles como afectados, coñecen as dificultades e os problemas que ocasiona no neno e na súa contorna familiar un diagnóstico de cancro e, por tanto, esa experiencia dálles algunhas claves para poder axudar ás familias. 

Os seus principais proxectos para levar a cabo este apoio son: 

• Servizo de Apoio Psicolóxico gratuíto desde o diagnóstico con presenza no H.U.M.V. de maneira cotiá. 
• Intervención económica con cheques de comida e cea para familias desprazadas ao hospital biscaíño de Cruces. 
• Paliar efectos secundarios dos tratamentos con doazón de material sanitario ao Hospital de Día de Hematoloxía Pediátrica do H.U.M.V.
• Intervención de apoio nos centros educativos dos nenos e adolescentes diagnosticados de cancro en Cantabria, previa autorización de pais ou titores legais. 
• Acompañamento hospitalario mediante voluntariado. 
• Actividades de información, divulgación e sensibilización social.
• Actividades de lecer e entretemento para as familias en contornas extra hospitalarias. 

ASPANAFOA a través do seu Programa de Intervención psicosocial con familias de nenos e nenas con cancro de Áraba pretende solucionar problemas psicosociais derivados do proceso oncolóxico dos e das menores tales como problemas sociais, económicos, psicolóxicos… e promover así un incremento do benestar dos e das menores e as súas familias. Os nenos/ as e as súas familias expóñense á dureza dos tratamentos e á incerteza da curación dunha enfermidade tan grave e dura como é o cancro infantil. 

Este Programa inclúe os seguintes servizos: 

• Intervención social 
• Intervención económica (axudas económicas por desprazamento, axudas alimentarias: vales de comida para utilizar na cafetería do hospital, axudas económicas por aloxamento e dietas por hospitalización). 
• Intervención psicolóxica. 
• Servizo de Fisioterapia. 
• Servizo de Arteterapia 
• Servizo de Musicoterapia. 
• Servizo de Logopedia. 
• Grupo de axuda mutua formal. 
• Grupo de axuda mutua informal. 
• Convivencia psicoemocional. 

Esta campaña do programa Céntimos Solidarios de EROSKI colaborará cos menores con cancro e as súas familias da contorna das nosas tendas para poder reforzar e manter activos os programas de axuda para a loita contra o cancro infantil e os servizos de apoio ás súas familias. Coa axuda que se espera conseguir con esta campaña, estímase que se colaborará con 7.047 nenos/ as e familias.

Las entidades sociales beneficiarias de este proyecto son:

AMARA Cantabria (web)

ASPANAFOA Álava (web)

FEPNC (web)