Axudar ás persoas con discapacidade en risco de exclusión para a súa plena inclusión social a través de CNSE, COCEMFE e DOWN ESPAÑA. Coas doazóns recibidas estas entidades poderán reforzar os seus programas de integración e autonomía para chegar a máis persoas.
Estímase que en España residen máis de 4 millóns de persoas con discapacidade, isto supón que aproximadamente o 9% da poboación total loita para unha vida en igualdade de condicións coresto da sociedade. Así, máis de 1 millón de persoas xordas ou con discapacidade auditiva loitan pola eliminación das barreiras de comunicación; 30.000 familias cun fillo/a con Síndrome de Down traballan pola súa inclusión e autonomía en todos os ámbitos das súas vidas; e 2,5 millóns de discapacitados físicos e orgánicos enfróntanse cada día á plena inclusión e participación activa en todos os ámbitos da sociedade.
A situación de crise actual pola COVID-19 aumentou o risco de sufrir situacións de desprotección social e tivo un alto impacto negativo para moitas familias. Por iso, en EROSKI queremos colaborar, a través do programa Céntimos Solidarios, coa Confederación Estatal de Persoas Xordas (CNSE), a Confederación Española de Persoas con Discapacidade Física e Orgánica (COCEMFE) e DOWN ESPAÑA, dedicadas a axudar ás persoas con discapacidade e ás súas familias.
CNSE
O movemento asociativo de persoas xordas liderado pola CNSE-Confederación Estatal de Persoas xordas e as súas 18 entidades territoriais membro dedica a súa actividade á defensa dos dereitos das persoas xordas e ofrece, entre outros, os seguintes servizos:
- Servizo de intérpretes de lingua de signos.
- Servizo de atención a persoas xordas.
- Servizo de atención a familias con membros xordos.
- Servizo de emprego para persoas xordas.
COCEMFE
Reúne a 91 organizacións territoriais e estatais, que á súa vez representan a máis de 1.600 asociacións en todo o país. Estas son algunhas das actividades que levan a cabo:
- Accións formativas.
- Terapias intensivas para as persoas que se viron máis afectadas o confinamento.
- Activación ao paciente, de modo que se faga responsable do seu propio tratamento, nos casos de patoloxías menos severas.
- Sesións a domicilio para os que non poden acudir a sesións presenciais.
- Talleres Psico-sociais.
- Programa de Empoderamiento da Muller con Discapacidade.
DOWN ESPAÑA
As 90 entidades federadas a DOWN ESPAÑA foron testemuñas do enorme impacto que esta pandemia tivo nas súas familias. Para facer fronte ás situacións tan difíciles creou un Fondo de Emerxencia cuxo obxectivo é chegar a familias en risco de exclusión social con nenos e adolescentes con Síndrome de Down. Para iso, realizan as seguintes actividades:
- Traballan nunha primeira fase de detección a través das súas redes nacionais.
- Unha vez detectada a familia, dótanlle de axudas económicas para acceder a servizos e recursos de Atención Temperá e apoio educativo.
- Por último, realizan accións de seguimento e avaliación coas familias implicadas.
Esta campaña do programa Céntimos Solidarios de EROSKI axudará ás persoas con discapacidade e ás súas familias.
Coas achegas que se esperan conseguir de EROSKI e os seus clientes con esta campaña, axudarase a 9.958 persoas con discapacidade a través das entidades locais que conforman a Confederación Estatal de Persoas Xordas (CNSE), a Confederación Española de Persoas con Discapacidade Física e Orgánica (COCEMFE) e DOWN ESPAÑA.
https://www.cnse.es/index.php/cnse/miembros
https://www.cocemfe.es/entidades-miembros/provinciales/
https://www.sindromedown.net/conocenos/nuestras-entidades/[CRD1]