Colaborar para levar unha alimentación completa e equilibrada a través da REAL INSTITUCIÓN BENÉFICO SOCIAL PADRE RUBINOS, FESBAL, CRUZ ROJA GALICIA e CÁRITAS.
España, cun 28% de taxa de pobreza infantil, é un dos países con maior taxa de pobreza infantil da Unión Europea. A realidade desta cifra é que hai moitos nenos, nenas e adolescentes que non poden permitirse comer carne, pito ou peixe polo menos unha vez á semana, nin froita e verdura a diario, que viven en casas sen unha temperatura adecuada, que non contan con roupa, calzado ou libros adecuados, ou que non poden participar en actividades de lecer ou irse de vacacións unha vez ao ano.
As consecuencias da pobreza poden durar para sempre, xa que os nenos que viven na pobreza teñen menos posibilidades de terminar a escola e gañan salarios máis baixos cando son adultos. Nalgúns países, é probable que unha persoa nacida nunha zona desfavorecida viva entre oito e nove anos menos que unha dunha zona rica, segundo os últimos datos publicados.
Nesta situación, tanto as axudas directas de produtos de alimentación como os comedores sociais, son un dos referentes sociais nas cidades para axudar as persoas máis vulnerables. Miles de persoas usuarias son atendidas en España onde se lles entregan centenares de comidas diariamente.
Nesta campaña colaborarase coa REAL INSTITUCIÓN BENÉFICO SOCIAL PADRE RUBINOS, FESBAL, CRUZ ROJA GALICIA, e CÁRITAS.
Coas doazóns recibidas, estas organizacións poderán reforzar os proxectos que se describen a continuación.
REAL INSTITUCIÓN BENÉFICO SOCIAL PADRE RUBINOS
O “Comedor Social Padre Rubinos” atópase na cidade da Coruña. Cóbrense as necesidades de manutención de persoas maiores de idade en situación de exclusión ou emerxencia social e persoas sen fogar, proporcionándolles gratuitamente alimentación polo tempo necesario en función das súas necesidades.
FESBAL
O seu proxecto busca paliar a carencia de alimentos que sofren as familias en situación de vulnerabilidade. O seu labor trata de conseguir alimentos de varias formas, mediante colectas, doazóns e tamén aproveitando excedentes, para despois darlles saída a través das entidades beneficiarias, ás familias vulnerables da provincia.
CRUZ ROJA GALICIA
O obxectivo do proxecto será ofrecer o seu apoio urxente na atención de necesidades básicas, proporcionando o acceso a produtos de alimentación, hixiene persoal e do fogar, de vestido e abrigo, produtos sanitarios, material de enxoval e do fogar, e situacións de pobreza enerxética. Levarase a cabo a través de entregas de bens e/ou axudas económicas para a cobertura urxente de necesidades básicas e de pobreza enerxética, talleres para mellorar competencias en alimentación segura e saudable, e un consumo responsable, así como apoio psicosocial de persoas/grupos en situación de vulnerabilidade.
CÁRITAS
O Proxecto ten como obxectivo facilitar o acceso a produtos de alimentación e hixiene a persoas e familias en situación de vulnerabilidade social, a través da entrega de cartóns moedeiro que permitan a compra en establecementos Eroski das subministracións precisas. As persoas e familias beneficiarias son acollidas nos servizos de Cáritas Diocesana. Unha vez levado a cabo o diagnóstico, propónselles un plan que inclúe a derivación a outros recursos e servizos locais complementarios e un proceso de acompañamento dentro do cal se realiza o seguimento na utilización dos cartóns moedeiro.
Esta campaña do programa Céntimos Solidarios de EROSKI colaborará coa REAL INSTITUCIÓN BENÉFICO SOCIAL PADRE RUBINOS, FESBAL, CRUZ ROJA GALICIA e CÁRITAS.
Coa axuda que se espera conseguir desta campaña, estímase que se beneficiarán 3.482 persoas maiores de 18 anos en situación de exclusión ou emerxencia social.
Cáritas (web da entidade)
Padre Rubinos (web da entidade)
Cruz Roja (web da entidade)
FESBAL (web da entidade)