Colaborar para mellorar a calidade de vida das persoas maiores a través da Asociación Mallorca Sense Fam, a Fundación Lares, a Fundación Amigos dos Maiores e Cruz Vermella.
Identificar e previr algúns factores de risco que poden desembocar durante a vellez en problemas como a soidade, a deterioración física e cognitiva, ou a falta de autonomía persoal, é de vital importancia para as persoas maiores en situación de vulnerabilidade, xa que como resultado do envellecemento, os maiores tenden a illarse, e a desenvolver dificultades de memoria, e de comprensión de textos. A última Enquisa de fogares elaborada polo Instituto Nacional de Estatística (INE) ofrece unha radiografía de como as familias españolas afrontaron o 2020 de pandemia e confinamento, e revelou que case 5 millóns de persoas sobreviviran eses duros meses en soidade. Delas un 43 % tiñan 65 ou máis anos e, delas o 70% eran mulleres (o 44% das mulleres maiores de 85 anos vivían soas, fronte ao 24% dos homes). Nesta campaña colaborarase coa Asociación Mallorca Sense Fam, Fundación Lares a través de Acolle (Asociación Galega de Residencias e Centros de anciáns de iniciativa social), Fundación Amigos dos Maiores e Cruz Vermella na atención a persoas maiores en situación de vulnerabilidade.
Coas doazóns recibidas estas organizacións poderán reforzar os proxectos que se describen a continuación.
ASOCIACIÓN MALLORCA SENSE FAM
A actividade de Mallorca Sense Fam céntrase na distribución e entrega gratuíta de alimentos ás familias máis necesitadas. As persoas maiores recíbenas a través do programa “Axuda Solidaria en Alimentos a domicilio”, que se desenvolve grazas ao equipo de voluntarios que a integran e que realizan o seu labor de forma totalmente altruísta. Ás familias fáiselles entrega de alimentos envasados: aceite, arroz, atún, azucre, cacao soluble, galletas, leite, legumes cocidos, minestra de verduras, carne, pasta, sardiñas, tomate frito, pan, ovos, froita, verduras, alimentos infantís (comida para bebés de carne de verduras, de froitas, cereais e leite de continuación aos nenos de 0 a 24 meses). Ademais, reciben artigos de hixiene persoal e de limpeza do fogar.
FUNDACIÓN LARES - ACOLLE
O proxecto “Club de lectura fácil” é unha actividade deseñada para fomentar a lectura e a socialización entre os residentes, adaptada as súas necesidades específicas. Este tipo de club de lectura ten en conta as posibles limitacións cognitivas, visuais ou de atención que poidan ter os maiores.
Créanse en cada residencia pequenos grupos -clubs- dinamizados por terapeutas ocupacionais, psicólogos ou educadoras sociais que favorecen que os residentes de cada centro pertencente a ACOLLE de FUNDACION LARES, consigan un reforzo e mantemento do seu potencial cognitivo, unha oportunidade para interactuar e crear vínculos con outros residentes así como proporcionar unha actividade pracenteira e construtiva que rompa a rutina diaria, paliando a soidade non desexada e en consecuencia, mellorando a súa calidade de vida.
FUNDACIÓN AMIGOS DOS MAIORES
O proxecto “Acompañamento emocional a persoas maiores que sofren soidade” ten como finalidade paliar a situación de soidade non desexada e o illamento social das persoas maiores da cidade de Barcelona e área metropolitana, mediante o acompañamento emocional por parte de persoas voluntarias cara a persoas maiores que padecen soidade non desexada e facilitar a inclusión social destas no tecido social e comunitario da cidade.
CRUZ VERMELLA
O proxecto “Persoas en proceso de envellecemento” ten como obxectivo, promover un envellecemento activo e fomentar un cambio na percepción que existe na sociedade sobre o envellecemento. Outro dos obxectivos do proxecto é reducir o impacto negativo sobre a deterioración física que inevitablemente se produce a medida que aumenta a idade, posibilitando que a persoa maior poida ter un mellor control da súa enfermidade, e poida incorporar hábitos de vida saudables que atrasen a aparición de enfermidades crónicas ou que incidan de maneira negativa na súa saúde física.
Esta campaña do programa Céntimos Solidarios de EROSKI colaborará coa Asociación Mallorca Sense Fam, Fundación Lares, Fundación Amigos dos Maiores e Cruz Vermella. Coa axuda que se espera conseguir desta campaña, estímase que se beneficiarán 5.745 persoas maiores en situación de vulnerabilidade.
ASOCIACIÓN MALLORCA SENSE FAM (web da entidade)
FUNDACIÓN LARES (web da entidade) y Acolle (Entidade pertencente á Fundación Lares)
FUNDACIÓN AMIGOS DE LOS MAYORES (web da entidade)
CRUZ ROJA (web da entidade)