Colaborar para axudar as persoas con enfermidades neurodexenerativas de cada zona. Coa colaboración de Neuroalianza e todas as súas entidades membro, poderemos chegar ás distintas zonas para axudar as persoas afectadas que están máis próximas ás nosas tendas. Coas doazóns recibidas estas organizacións poderán reforzar as actividades que se describen a continuación para chegar a máis persoas e que os seus servizos sexan máis estables e permanentes.
Na actualidade, hai máis de 1.150.000 familias afectadas por Alzhéimer, Párkinson, Esclerose Múltiple, Enfermidades Neuromusculares e Esclerose Lateral Amiotrófica no noso país. En concreto, 1 de cada 2.000 persoas presenta Enfermidades Neuromusculares. A Enfermidade de Párkinson afecta a 150.000 españois, e un de cada cinco afectados ten menos de 50 anos. Cada ano diagnostícanse uns 900 novos casos de Esclerose Lateral Amiotrófica e cada 5 horas un novo caso de Esclerose Múltiple, sendo en total máis de 55.000 afectados por esta última. O 10% das persoas maiores de 65 anos e o 50% das persoas maiores de 85 anos ten Alzhéimer no noso país.
O aumento da esperanza de vida en España fai moi previsible o incremento destas patoloxías neurodexenerativas, que constituirán o grupo de enfermidades máis prevalentes en España. Para as persoas afectadas polas enfermidades neurodexenerativas, é necesario dispor de tratamentos adecuados e unha atención sanitaria idónea e non restrinxida coa que responder ao correcto manexo da súa enfermidade e previr o seu agravamento ou deterioración. Igualmente é necesario mellorar os recursos dispoñibles e dar a coñecer todos os apoios existentes ao seu alcance que sirvan para mellorar a súa calidade de vida.
As asociacións de pacientes que agrupa NEUROALIANZA: ADELA (Asociación Española de ELA: Esclerose Lateral Amiotrófica), ASEM (Federación Española de Enfermidades Neuromusculares), CEAFA (Confederación Española de Asociacións de Familiares de Persoas con Alzhéimer e outras Demencias), EME (Esclerose Múltiple España), FEP (Federación Española de Párkinson), son exemplos de entidades sen ánimo de lucro que acompañan aos pacientes e as súas familias.
Por iso en EROSKI queremos colaborar con NEUROALIANZA (ADELA, ASEM, CEAFA, EME e FEP) para que xuntos poidan axudar ao maior número de afectados posible para mellorar a calidade de vida das persoas afectadas e as súas familias.
A Asociación Española de Esclerose Lateral Amiotrófica (ADELA) é unha organización sen ánimo de lucro fundada en 1990, de ámbito estatal, dedicada a axudar as persoas con ELA e outras enfermidades da motoneurona, para mellorar a súa calidade de vida.
As actividades principais son:
- Información e orientación
- Servizos de Psicoloxía, fisioterapia e logopedia
- Coidadores
- Formación
- Coidados de enfermaría
- Préstamo de Axudas Técnicas
A Federación ASEM ten como obxectivo principal apoiar, orientar e dotar as entidades de persoas con enfermidades neuromusculares das ferramentas suficientes que lles permitan fortalecerse a si mesmas e mellorar no seu día a día, axuntando voces para conseguir unha maior presenza social e política. As actividades que realizan son:
- Acceso a proxectos e actividades de Federación ASEM: asistencia a Encontros Asociativos, Congresos, Formacións e outras actividades que organice Federación ASEM.
- Atención e soporte individualizado ás entidades membro.
- Orientación e derivación de persoas afectadas.
- Actividades orientadas á promoción da autonomía persoal.
- Difusión das actividades e noticias das entidades.
- Transferencia do coñecemento: acceso a información de interese e actualizada sobre diferentes temas relevantes do ámbito social, médico e asociativo.
- Grupo de encontro para profesionais. Un espazo onde compartir información entre os profesionais das diferentes asociacións.
- Representación e apoio institucional.
- Colaboración na organización de eventos e actividades.
A Confederación Española de Alzhéimer (CEAFA) é unha Organización non Gobernamental de ámbito nacional, cuxa meta reside en traballar para pór o Alzhéimer na axenda política, buscando o necesario compromiso social e pondo en valor o coñecemento para poder representar e defender os intereses, necesidades e dereitos de todas as persoas que conviven co Alzhéimer.
Algúns das actividades principais son:
- Diferentes proxectos de investigación sociosanitarios
- Proxectos sociais e estudos
- Campañas de sensibilización
- Formación e información
Esclerose Múltiple España (EME) é unha entidade sen ánimo de lucro declarada de Utilidade Pública, que ten como finalidade a promoción de toda clase de accións e actividades asistenciais, sanitarias e científicas destinadas a mellorar a calidade de vida das persoas con EM.
Os principais ámbitos de actuación de EME son os seguintes:
- Defensa de dereitos
- Información, comunicación e sensibilización
- Apoio ao movemento asociativo
- Apoio á investigación
A Federación Española de Párkinson (FEP) nunha entidade sen ánimo de lucro con 25 anos de experiencia no traballo por mellorar a calidade de vida das persoas con párkinson e a súa contorna familiar e de coidados. As súas principais actividades son:
- Apoio á persoa con párkinson
- Apoio ao movemento asociativo
- Representación do colectivo e Incidencia Política
- Sensibilización
Esta campaña do programa Céntimos Solidarios de EROSKI colaborará con persoas con enfermidades neurodexenerativas da contorna das nosas tendas para poder reforzar e manter activos os programas de axuda.
Coa axuda que se espera conseguir con esta campaña, estímase que se axudará a 31.229 persoas enfermas.
As entidades sociais beneficiarias deste proxecto son:
FUNDACION ADELA https://adelaweb.org/quienes-somos/
FEDERACIÓN ASEM, https://www.asem-esp.org/articulos-de-la-web/entidades-federadas/
FUNDACION CEAFA, https://www.ceafa.es/es/quienes-somos/asociaciones-alzheimer
FUNDACION EME, https://esclerosismultiple.com/conocenos/entidades/
FEDERACION FEP, https://www.esparkinson.es/asociaciones/